Det er svært gode snøforhold i fjellet og løypemannskapa er godt i gang med den 32 kilometer lange Haukelirenn-traseen på kanten av Hardangervidda.

Nyhet!
Haukelirennet vil auke fokuset på barn, ungdom og rekruttering til skisporten.

Det er difor ei glede å kunne invitere unge utøvarar til ein spennande og inspirerande kveld saman med suksesstrenar og teknikkekspert Audun Svartdal og landslagsløparane Sjur Røthe og Chris Jespersen.

Med denne «gullrekka» på podiet kan unge utøvarar få svar på spørsmål om korleis dei skal nå sine mål og draumar ved å trene målretta og riktig.

I løpet av kvelden vil dei frammøtte få meir kjennskap til korleis Sjur og Chris har jobba for å koma på det nivået dei er i dag.

I beste skavlanstil får altså publikum møte eit tre-spann i morosam, motiverande og inspirerande prat. Og det beste av alt - det vil bli god anledning for publikum til å stille spørsmål til ekspertpanelet!

Arrangementet er gratis og ope for alle frå 10 år og oppover. For å sikre deg plass bør du melde deg på til helge.ringhus@haukelirennet.no så fort som mogleg.

Vel møtt til Tyrvelidhallen i Haukelifjell skisenter fredag 4. april kl 19.00 og velkomen til Haukelirennet 5. april!

Linker følger nedenfor plakaten


Klikk for plakaten som A4-ark i PDF.
Hjemmeside for Haukelirennet.
Tidligere resultater, omtaler, vær og bilder fra Haukelirennet.