Haukelirennet går i fristil og har klasser for både aktiv, mosjon og trim. Ungdom mellom 13 og 15 år går sin eigen trasè på 12 kilometer, og startar saman med hovudfeltet kl 12.30. Mosjonsklassa går på tid, medan trimklassa går utan tidtaking.

Spesielle «happenings»
«Statkraftspurten» er ein spurt etter 8 kilometer. Her blir dei tre raskaste kvinner og menn premiert med pengepremie.

«SR-bakken» er ny av året. Her blir raskaste kvinne og mann i nedfarten til målområdet blir premiert med kvar sin pengepremie. Det kan altså bli mykje action i årets Haukelirenn.

Trim-tur
Alle som melder seg på i trimklassa er med i trekninga av tre reisegåvekort frå Star Tour.

Det er viktig for oss å legge til rette for aktivitetar for heile familien. Me arrangerer difor også eit eige barnerenn, «Vennerennet», for barn mellom 4 og 12 år.

Dette rennet går på føremiddagen, før sjølve Haukelirennet, slik at foreldre får tid til å heie borna i mål før dei sjølve skal gå Haukelirennet.

Her får borna møte dei kjente figurane Apa, Ted og Elfie som skal skape liv og røre både før, under og etter barnerennet. Haukelirennet har start rett ovanfor Haukelifjell skisenter og målgang midt i hjartet av skisenteret.

I målområdet vil både speaker og ulike aktørar skape underhaldning for publikum medan løparane går rennet.

Teksten fortsetter under bildet

Vakre omgivelser i Haukelirennet 2013. Foto: Haukelirennet

Majestetiske omgjevnadar
Haukelirenn-trasèen blei køyrd opp veka før påske – til stor glede for dei mange påsketuristane i det strålande vêret.

Me kan melde om supre forhold i trasèen som slyngar seg gjennom det majestetiske høgfjellsterrenget på taket av Telemark.

Trena eller utrena – Haukelirennet er for alle. Meld deg på vårens vakraste skieventyr i dag, så kan du også teste musklar mot Sjur Røthe.

I tillegg får alle som deltek på Haukelirennet ei lue lik den Sjur har på seg på bildet! Velkomen til Haukelirennet 13. april 2013!

Linker
Arrangementets hjemmeside: www.haukelirennet.no
Haukelirennet på Facebook: www.facebook.com/Haukelirennet