Det er to veker til Skåla Opp, fyrtårnet blant motbakkeløp i Norge.

Konkurranseklassa blei fullteikna same dag påmeldinga opna, og inkludert mosjonistane er det no snart 1400 som har meldt sin ankomst.

Om vêrgudane spelar på lag, håper arrangøren for første gong på 2000 fullførande.

I startfeltet på Tjugen er det mange sterke norske og internasjonale løparar. 

Løyperekordhaldar for kvinner, Anita Håkenstad Evertsen, er tilbake. 

Fjorårsvinnar Laura Orgue frå Spania, sølvvinnar frå EM Eli Anne Dvergsdal, italienske Antonella Confortola Wyatt, May Britt Buer og Kirsten Marathon Melkevik er blant favorittane.

I herreklassa er det store forventningar til Kilian Jornet, som er reikna som verdas beste fjelløpar, norske Stian Hovind-Angermund og Thorbjørn Thorsen Ludvigsen, Jonathan Wyatt frå New Zealand, Joseph Gray frå USA, italienske Emanuele Manzi og tyrkiske Ahmet Arslan.

Her blir det spenning heilt til topps.

Og som vanleg er langrennsveteranane Kristen Skjeldal og Odd-Bjørn Hjelmeset klare.

Arrangøren ønskjer alle velkommen til ein ny folkefest på Skåla og til grillparty i Loen om kvelden.

Alle som fullfører og som deltek på premieutdelinga om kvelden er med i trekninga av flotte gåvepremiar.

Lenker
* Startlister til Skåla Opp 2015.
* Hjemmeside for Skåla Opp.
* Nyheter, resultater, kart, høydeprofil og mye mer.
* Terminliste med alle norske motbakkeløp.