Effektivt med trening uten staver
– Meir kraft går gjennom kroppen i staden for ut av kroppen. Det er teknikktrener Audun Svartdal som poengterer dette til Langrenn.com.
– Meir kraft går gjennom kroppen i staden for ut av kroppen. Det er teknikktrener Audun Svartdal som poengterer dette til Langrenn.com.
Utruleg effektivt med trening utan stavar
Den enklaste og mest effektive metoden for å utvikle effektiv skiteknikk er å gå utan stavar. Konsentrert og med klare teknikkoppgåver.
– På nytt er balansen og tyngda på ei ski avgjerande for å treffe med fråspark og fråskuv. Lang og avspent armpendel styrer rytmen og timinga.
– Somme løparar går betre teknisk utan stavar enn med stavar. Det er fordi dei må konsentrere seg fullt og heilt om det ulike terrenget. Stabiliteten i overkroppen blir ofte betre.
– Meir kraft går gjennom kroppen i staden for ut av kroppen. Altså betre kraftoverføring, fortel teknikktrenar Audun Svartdal.
Tren opp beinarbeidet utan stavar
– Diagonalgang, enkeldans, dobbeldans og padling utan stavar krev skikkeleg beinarbeid, god balanse i kroppen, stabile posisjonar samtidig som beinarbeidet er rytmisk og dynamisk. Målet er å skape trykk, frå kroppen, mot skia og ned i snøen.
– I diagonalgang for å sikre godt feste og tidleg, kraftfullt fråspark. I enkeldans, dobbeldans og padling for å skape trykk, halde trykk og få skiene til å gli.
– Kraftimulsen startar nede i ankel- og kneleddet. Stive anklar og kne og hofteknekk fungerer dårleg, seier Audun.
Les videre nedenfor bildet

Noen ganger er det greit å la stavene få ligge i ro på matta også når man trener i skiløypene. Foto: Manzoni/NordicFocus.
Kvalitet i kvar økt
På nytt er kvaliteten i treningsøkta avgjerande, målet er å oppnå høgast mogeleg treffprosent, treffe med så mange fråspark eller fråskuv som råd, kjenne trykket mot snøen, bruke akkurat det som er nødvendig av krefter for å få fart og framdrift.
Alt dette er kjenneteiknet på god arbeidsøkonomi.
– Når vi tek på oss stavane att vidarefører vi det gode beinarbeidet. I tillegg ynskjer vi å bruke overkroppen, armane og stavane til å auke farten utan at det går ut over beinarbeidet.
– Slitne og stive bein i padling kan føre til at ein berre flytter beina og tråkkar seg opp bakken i staden for å skuve aktivt med begge bein slik at skiene glir.
Heile kroppen må spille på lag
– Noko av det som er mest interessant og spennande med langrenn er at vi tek i bruk heile kroppen i alle hovudteknikkane der vi brukar stavane.
– Samsvaret mellom underkroppsarbeid og overkroppsarbeid, mellom bruken av bein, buk, rygg og armar, mellom ski og stavar, i ulike typer terreng, på ulike typer snø, i ulike typer renn, i ulike deler av ein konkurranse, dette er krevjande, men også fantastisk moro når det fungerer, fortel Svartdal med stor iver.
Langrenn er ein svært trenbar idrett, du kan nå langt med gode haldningar og vilje til å gjennomføre det som krevst av trening for å gå fort på ski.





