Balanse er utruleg viktig i langrenn
– Vi brukar uttrykket «å stå imot» når kraftinnsatsen er størst, i staden for å gje etter, knekke saman og dette bakpå, seier Audun Svartdal.
– Vi brukar uttrykket «å stå imot» når kraftinnsatsen er størst, i staden for å gje etter, knekke saman og dette bakpå, seier Audun Svartdal.
Balansen er heilt sentral i effektiv langrennsteknikk. Alle veit at ein må kunna stå stødig på ei ski i diagonalgang for å kunna utføre effektive fråspark, og at enkeldans og dobbeldans også krev topp balanse på ei ski for å oppnå optimalt trykk i kvart fråskuv.
God grunnposisjon krev god balanse
– Du ser kanskje for deg deg sjølv eller ein annan toppløpar sett rett forfrå eller rett bakfrå i stødig balanse rett over kvar ski? Men god balanse må du også sjå frå sida, seier Audun Svartdal.
– I dei same tre teknikkane handlar då god balanse enkelt sagt om å greie å halde grunnposisjon når ein trykker til i fråspark, fråskuv og stavtak.
– Grunnposisjon handlar om samsvar mellom leggvinkel og overkroppsvinkel, og om samsvar mellom beinarbeid og overkroppsarbeid.
Nemnte Audun Svartdal veit kva han pratar om. Han har vore ansatt i Olympiatoppen og er nå teknikktrenar for mange toppløparar.
Les videre nedenfor bildet

Martin Johnsrud Sundby i kjent positur. Foto: Modica/NordicFocus.
God arbeidsøkonomi
– Hovudtrykket under foten er framme under tåballen. Dette gjeld både i øvre posisjon når armane har pendla fram og bak, men også når trykket mot snøen er størst.
– Høge utgangsposisjonar sikrar som oftast god avspenning, tidleg kraftinnsats, utnytting av tyngdekrafta til å skape trykk mot snøen og god arbeidsøkonomi.
– Vi brukar uttrykket «å stå imot» når kraftinnsatsen er størst, i staden for å gje etter, knekke saman og dette bakpå. Dette handlar om styrke, men også om at kroppen er i balanse.
– Balanse i stor fart på ski handlar om motorikk og teknikk, men altså også om styrke og fysisk kapasitet, fortel Audun Svartdal.

– Motorikk og teknikk, understreker Audun Svartdal, som ekstra viktige faktorer ved høy fart. Her fra årets Tour de Ski hvor Martin Johnsrud Sundby nok en gang viste klasse. Foto: Felgenhauer/NordicFocus.





