Arrangørene i Valldal IL rapporterer på sin hjemmeside som følger fra det 7 km lange og 1100 meter bratte Mefjellet Opp i Møre og Romsdal:

Det 9. offisielle Mefjellet opp er over.

I ein sur og våt sommar vart dette ein fin dag for motbakkeløping. Regnet held seg unna og ein fin tempratur gjorde forholda gode.

Då får ein ikkje legge alt for mykje vekt på at det siste stykket frå Nysætra var glatt, vått og skite.

Det var ikkje noko stor overrasking at Johan Bugge frå Eidsvåg i Romsdal var først på toppen.

Men at han skulle knuse sin eigen løyperekord med neste 2 minutt er imponerande. Rekordtida vart 42,57.

Johan har vore i kanonform siste tida med siger i NM og EM i motbakkeløp, og han viste i bakkane opp til Mefjellet at forma framleis er på topp.

Det må også nemnast at Johan har delteke i alle Mefjellet opp og dette var hans 5. totalsiger.

På dei neste plassane i herreklassa kom Jan Roger Hagen, Straumsnes IL, med tida 52,04 og Harald Birkeland Larsen, MOI, med tida 52,37.

I dameklassa var Aija Skrastina, Emblem IL orientering den første på toppen med tida 1.01.40.

Deretter kom Janne Eikås, Jølster IL som brukte 1.05.08 og Martine Lorgen Øvrebust, Stordal IL, med tida 1.05.46.

Deltakartalet vart totalt 130, fordelt på 58 i konkurranseklassa og 72 i mosjonsklassa.

Dette er ein gledeleg auke i konkurranseklassa, medan det litt utrygge veret får ta noko av skulda for at ikkje fleire mosjonistar tok turen.

—

Mefjellet Opp – 7 km og 1.100 høydemeter
Norddal, Møre og Romsdal – 19. juli 2015

Kvinner
1. Aija Skrastina, Emblem Orientering 1:01.40
2. Janne Eikås, Jølster IL 1:05.08
3. Martine Lorgen Øvrebust, Stordal 1:05.46
4. Lene Rørvik, GTI Stavanger 1:07.05
5. Cornelia Rørvik, Sandnes Skiskyting 1:10.07
6. Turid Solheim, Statens vegvesen BIL 1:12.40

Menn
1. Johan Bugge, Eidsvåg IL 42.57
2. Jan Roger Hagen, Straumsnes IL 52.04
3. Harald Birkeland Larsen, MOI 52.37
4. Are Uran, Havørn 53.15
5. Markus Rørvik, Sandnes Skiskyting 53.36
6. Iver Matias Linge Glomnes, Valldal IL 53.51

Komplette resultater

Se også: Tidligere resultater, bilder med mere fra Mefjellet Opp