Sidan mai har eg trena godt og eg føler at eg har fått trent det eg har planlagt, sjølv om eg har slitt veldig med magen min. Har periodisert treninga litt annleis enn før, dette p.g.a. magen. Men eg har god tru på at sesongen kan bli bra.

Samlingane med skiforbundet har stort sett gått bra, vi har eit godt miljø i laget og ”pusjar” kvarandre på trening.

November er det tid for og prøve nye ski. Det er alltid litt spennande og prøve ”gamle” god ski mot nye. Er dei nye skia betre enn dei eg brukte i forrige sesong? Er dei det så veit eg iallfall at eg har fått meg meget gode ski. Er dei ikkje så må vi leite etter andre ski.

Sist weekend var det sesong premiere for oss på Beitostølen. Resultata var ikkje akkurat noko og hoppe i taket for. Utlendingane slo oss og beste nordmann var Espen Bjervig på ei 3. plass, meir gledeleg var Erling Jevne sin 4.plass. Han braut lårhalsen(trudde eigentleg at det berre var gamle damer som fikk til det) i juli, men kom kjapt tilbake og overbeviste i Beitosprinten. Men denne helga er det mykje viktigare og gå fort. Då startar verdenscupen også her på Beitostølen. Vi gutta skal gå 15 km klassisk, noko som passar meg godt. Tenkte eg skulle utpeika nokre favorittar som dokke bør følgje med. Per Elofsson, svenske, men dog han går alltid fort tidleg på sesongen. Thomas A er som regel litt meir skjerpa når det blir viktigare renn…. Lukas Bauer «tsjekker» som overraska i sesongopninga med seier, har nok ein god form for tida. Espen Bjervig , Frode Estil, Erling Jevne og meg sjølv har alle mulighetar og veldig lyst til og gå fort.
Så eg håpar og trur at det skal bli moro til helga.

Hadi

Odd-Bjørn